“الضعيفة”
بقلم الشاعرة/ عبير عبد السلام
متابعة/ سامح الخطيب
أنت قلبك لسه جامد
ولا لان من كتر بُعـدي
روح وجرب غيرى لكن
مش هتهوى حد بَعـدي
احنا يابني قدمنا ثابت
مش بنتهدد بــكلمـــه
يعنى مهما تغيب وترجع
هتلاقينا ف خير ونعمه
مش هنبكي عشان غيابك
ولا نترجي في جنابك
لجل ما تسامح وتغفر
أو تخلينا ف حسابك
انسَ أيامنا اللى فاتت
الضعيفه خلاص دي ماتت
واتولدت بروح جديده
نصرها قرب و هانت
بعد ماصبحت وحيده
من التجاهل ياما عانت
بس دنيتها الجديده
علمتها تكون وكانت
أحلى مشهد في النهايه
للي يصبر على القسيه
إن رب الكون معايا
مش هيرضالي الأذيه
