“مصر تحدث أبناءها”
بقلم/رحاب السيد
أيوة أنا مصر
أنا الجنة أنا الدنيا أنا الأيام
أنا الزهرة وأنا الربيع أنا البستان
أنا الغنوة اللي عشت أحلم تغنيها
أنا الآتي بتفاصيله
أنا بكرة اللي جاي خيره
أنا الخير اللي في الدنيا
أنا يومك أنا ليلة
أنا نهارك بتفاصيله
أيوه أنا مصر
أنا النور اللي في عيونك
أنا الكحل اللي في جفونك
أنا قلبك بدقاته
أنا عمرك بلحظاته
أنا الفجر اللي في الدنيا
أنا ملامح لروح غالية
ايوه أنا مصر
أنا الذكري اللي بتمنى تخلدها
أنا أمك أنا حضنك أنا دليلك
أنا عمرك بتفاصيله
أنا النيل اللي فاض خيره
أنا الزرع اللي في الخلجان
أنا العزة في كل زمان
أنا الرفعة اللي في عيونك
أنا وردك أنا غصونك
أنا من بعدي تبقي يتيم
ولا يبكي عليك إنسان
أيوة أنا مصر
