صاحبوا ناس بتبتسم على الصبح وهي داخلة الشغل .. ناس دمها خفيف بشوشه في وجه الزميل قبل المدير

صاحبوا ناس بتبتسم على الصبح وهي داخلة الشغل .. ناس دمها خفيف بشوشه في وجه الزميل قبل المدير

ناس عندهم شخصية و بيسمعوا وبيتناقشوا معاك مش من خلفك.. وبيتكلموا وتختلفوا في الرأي من غير ما يتقمصوا . او يزعلوا ويأخدوا جنب

ابعدوا عن الغامضين الصامتين كارهي العيشة و اللي عايشنها .

صاحبوا ناس بيحبوا الشغل …ناس بسيطه و واضحه.

ناس حقيقية مش مصطنعة. ناس كويسين مش عاملين نفسهم ابو العريف
ناس معندهاش اسرار و لا دهاليز ناس معندهاش بخل فى المعلومات و المساعده … صاحبوا ناس بتشتغل . ناس تعبت فى حياتها قبل ما توصل الكرسي. ناس ناويه تحتفظ بيك و تكبرك رغم اَي شئ حبا في التعاون معك مش علشان اَي سبب ممكن يتخلوا عنك .
ناس طبيعية خدومه لوجه الله .

ناس فاهمه هموم الزملاء و عارفه طريقها وعندها هدف و بتتعب علشانه .
ناس بتعرف تفهم و تقدر و تعذر و تتأني … و عمرها ما اذيتنا في اكل العيش
اعرفوا بشر مش امراض نفسيه ماشيه على رجلين .. مش قنابل موقوته بتنفجر في وشك في اي لحظة .
ناس جايين من بيئة اصل مش من بيئة كره و نميمة و اغتياب
ناس وجودها مبهج و كلامها مبهر .. ناس بتعرف تحاصركم بحبها .. تأسركم بجمال روحها .. صاحبوا ناس خدومه

ناس سعدا اصلا بتعرف تصنع السعادة و النجاح في العمل لكل اللي حواليها مش هربانين من الفشل و انتو وقعتم في طريقهم .
ناس تحافظ علي نقاء ارواحكم مش تشوه مجهودك و تحببكم في الكذب و الخداع

ناس خارج العمل بتحب القهوة و الموسيقى و الكتب و الورد و البحر و الونس و الضحك