تسجيل الدخول
تسجيل الدخول
استعادة كلمة المرور الخاصة بك.
كلمة المرور سترسل إليك بالبريد الإلكتروني.
عاجل
- رئيس اتحاد الوطن العربي الدولي ورئيس الإتحاد العالمي للعلماء والباحثين يتحدث عن نشأة التشريع
- رئيس اتحاد الوطن العربي الدولي ورئيس الإتحاد العالمي للعلماء والباحثين يتحدث عن فقه الوسطية
- رئيس اتحاد الوطن العربي الدولي ورئيس الإتحاد العالمي للعلماء والباحثين يتحدث عن العولمة
- محافظ الإسكندرية يستقبل جلالة الملك أحمد فؤاد الثاني بإستاد الإسكندرية الرياضي الدولي
- إسراء تغني موسيقى البوب الخليجي في كليب “أدعي”
- برعاية رسمية من وزارة الاستثمار معرض أوتوميكانيكا الرياض ينطلق الثلاثاء القادم
- كل شيء بقدر..
- كلية المنصور تنظم الملتقى العلمي الثالث لبحوث التخرج
- المنتجة “ليلي الشبح” تحتفل بعقد قران شقيقها بحضور نجوم الفن
- “مجموعة إيلاف” تختتم مشاركتها في فعاليات معرض منتدى العمرة والزيارة
بقلم الأديبة والشاعرة/ مرفت جابر
متابعة المستشار الإعلامى دكتور / سامح الخطيب
بين ورود حضن الطبيعه
كرسي أخضر
كنت باعشق لمّا باحضر
أرمي فوقه هموم حياتي
وانتشي بورد الجناين
كل شئ قُدّامي باين
صوره حيّه لصيف جميل
والفراشات اللي أجمل
لمّا ع الأزهار تميل
قلبي يبقى ياعين ياليل
تعزف الدقّات أغاني
فجأه قبل ما اسيب مكاني
شوفت بنت جمالها آيه
ماشيه حزن الكون ماليها
واحده واحده لحد جنبي
شعرها بقيونكه بمبي
وشّها البدر ف تمامه
والعيون بالدمع تبرق
حزن مش بيسيب مكانه
بصّه يمكن للا شئ
قلبي ساب ف الحال ضلوعي
بص للوش البرئ
وابتدا بنّا الحوار
الجميله مالها ساكته ؟
برضه ساكته
إسمي مرفت وانتي إسمك؟
لسّه ساكته
إنما بعد المناهده
إبتدا سرسوب كلام
إسمها الأوّل هيام
طب يا ضي عيوني مالك ؟
للسكات رجعت أوام
فجأه بصّت ليّا قالت
عايزه ألعب
قولت حاضر من عيوني
سهل نلعب لمّا نتعب
بس جاوبيني ف سؤالي
جيتي واحدِك؟
لأ يا طنط معايا طنط
واحده واقفه هناك ف بُعد
وف إيديها طفله تانيه
بتلاعبها بكل حب
قولت طنط !!
طب وماما ؟
ماما ماتت
دمعه تانيه فجأه بانت
ثم قالت
بابا جابلي ماما تانيه
بس مش راضيه تلاعبني
حتّى جوّه البيت تسيبني
بالنهار مش لاقيه لقمه
لمّا بالليل ييجي بابا
دمع عيني صبح سحابه
قلبي زاد م الهم هم
يومها بس عرفت فعلا
إن يُتم الأب صعب
واللي أصعب منّه دايما
لما يبقى اليُتم ..
أم
……………………..
بقلم – مرفت جابر
رئيس مجلس الأدارة
القادم بوست