انا المصرى انا المصرى معايا جنيه معايا جنيه انا القوه انا العظمة انا الحق وانا الطيبة بقلم / سوسن النجار
انا المصرى انا المصرى معايا جنيه معايا جنيه انا القوه انا العظمة انا الحق وانا الطيبة بقلم / سوسن النجار
العمق نيوز
صاين ارضى صاين عرضى
شايل همى على كتفى
الناس بتصحه الصبح
على صوت العصافير
وانا بصحه على بتاع الخضار والجرجير
معايا جنيه معايا جنيه
هجيب منه جميع زادي
واسيب منه لأولادي!
دانا فاطر ومتغدى
حتى الجنيه مايكفى
طلع الدولار فى زيادة
دانا راضى بنصيبى
مسيرها الاحوال تروق وتعدى
معايا جنيه معايا جنيه
اخذت العاشره جنيه اجيب فطار
منها واغطى جوعي بملاية
دانا راضى بنصيبى العاشره ما تكفي
امتى الغنى يعطف ويفهم ويحس
بقيمة الفقير الغلبان والحمدلله هى الكفايه
ويعرف الدنيا اخرتها تراب ودى النهايه
والعدل من ربنا حاكم على كل ظالم
وانا املى بربى كبير
انا حاسس كأني أمير
دانا فاطر ومتغدى ومتعشي
كمان تفكير!
شايل همى على كتفى
صاين ارضى صاين عرضى
معايه جنيه معايا جنيه
وصيت كمان عليه ولدى
معايا جنيه معايا جنيه
معايا جنيه ومين قدى
انا المصرى انا المصرى
بقلمي / سوسن النجار
