كلام في الادارة انواع المديرين

1- الفاشل :: هو المدير اللي بينجح في تحويل موظف بيساعد في تطوير الشركه لموظف ” جاي ياكل عيش “

2-المدير الفاسد :: هو المدير اللي بيطفش الموظفين لأسباب و ” عقد نفسيه ” رغم كفائتهم و ولائهم للشركه و يكافئ موظفين فاسدين لمجرد ان ولائهم له

3- المدير التافه :: هو المدير اللي يراقب الموظفين على الfacebook علشان يحاسب و يخصم من مرتبات الناس

4- المدير الجبان :: هو المدير اللي طول الوقت بيزعق يهدد الموظفين بالفصل و الخصومات علشان عارف ان ده مصدر اكل عيشهم

5- المدير الناجح ( القائد ):: اللي دايما بيحمس الteam على الشغل و يفهمه اني شغله دي نعمه و ناس كتير تتمناها

اللى يتمنى نجاح اللى معه و اللي يخلي كل يوم ربع ساعه قبل الشغل يديهم فيها معلومه جديده

هو اللى يخلي الفاشل “ناجح “ ويفهمه هو زي اي حد موجود و ان لقب مدير ده مجرد لقب و حاجات تانيه كتير

مين فينا عنده مدير ناجح ؟

كام شركه ووزارة فيها مدير ناجح

للاسف التافهين كتير و الفاسدين اكتر و الفاشلين ايضا

كلنا فاهمين كلمة مدير غلط

المدير هو المسئول ان كل واحد معه يكمل كل حاجه ناقصه في اللى قدامه

هو اللي يحسس اللي قدامه أنه صاحبه مش مديره

حاليا احنا مش بنحب نعلم حد كل حاجه

احنا بنخلي الفاشل ناجح و الناجح فاشل

احنا فاهمين حياتنا العمليه غلط

احنا في مننا كتير بيكره الحاجه اللي ممكن كان يحبها بسبب فشل مدير فاشل

المدير الصح هو اللى بيعلم أساسيات الشغل قبل تعليم الشغل نفسه زي الوقت و التركيز و حب الشغل نفسه