وحشتينى وبتمنى الزمن يرجع واجيلك
للشاعر / محمدسامى
وحشتينى وبتمنى الزمن يرجع واجيلك تحت باب بيتك واجيبلك ورد وحشتينى ونار الشوق فى احساسى تدفى عنيكى وقت البرد وحشتينى وماليش دعوة بكلام ان انتى مشتاقه وان الدنيا مهما تفرق الاحباب هنتلاقى وان الضحكة وقت لقانا هتنسيكى اى دموع وان البعد مهما يطول مسيره هيتقلب لرجوع كلامك كله وانتى بعيده مش هيغير الموضوع انا فى كل الحالات عاوزك تكونى حقيقه مش ذكرى واى كلام عن الماضى مبيغيرش من بكره ياريتك متغيبيش تانى ومتحاوليش تعاتبينى وجودك جنبى دلوقتى مهم عشان يقوينى ياست الكل وحياة حبنا العايش برغم الموت هقولهالك بعلو الصوت وحشتييييييينى وحشتينى انا زعلان قوى منك يا قديسه بعيون كافره ياساكنة عيونى مع انك بقالك 100 سنة مسافره بقالى 100 سنة عاجز عصاية قلبى مكسورة بعديلك 200 حاجز وآخرك تبعتى صورة وحشنى اللؤلؤ المرشوش على شفايفك وآخر كلمة اقولهالك بقالى 100 سنة مفتح مغمضتش بقالى 100 سنة شايفك وحشتينى يا أول بنت حبتنى وآخر بنت حبيتها ياأكتر بنت سامحتنى وأكتر بنت ضريتها وحشتينى ومفيش أسباب هتجمع بينا من تانى لكن عادى أنا ومش فخر متأكد مفيش بنت إستغطت بيا تقدر لحظة تنسانى حبيبتى . هتيجى . هفتحلك مشاعرى وطن وحضن وبيت ولو هتغيبى . غيبى خلاص حضنتك مرة وإستكفيت وحشتينى ياغايبة عليا من عمر ومغيبتيش يوم أنا اللى عيونى هتطاردك بمليون شكل ومش هتدوقى طعم النوم وهَحرِم روحك العطشانه وقت الأكل وأدوقك العسل فى الصوم وحشتينى اكيد فاكره اما كنا بنكسب الاحزان بكاس مليان دموع وكحول نسكر بيه وكنا بنستلف ضحكة من الدخان وكنتى بتشربى ريقى اللى بتحبيه اكيد فاكرانى مهما عنينا كانوا بعيد مفيش لحظة البعاد عن دنيتى حاشِك انا اللى لبست احساسك فى يوم العيد وكنت افرد قماش جسمى على قماشك وحشتينى حبيبتى يا ميزة معجونه بعلل وعيوب يا أوضح سر خلى العاشقين تحتار ياجنة دخلتها مع انى كلى ذنوب يا خير قدمته دخلنى بإرادتى النار وحشتينى
