بقلم : نبيل محمد صلاح الدين
أحن قلب فى الدنيا قلبك انتي يا أمي ….
أيوة انت يا أمي يا غالية عندي
يا ست الكل أنت يا حبيبتي.ونور عنيا
زمان… زمان سهرت
وتعبت وشلت من عمري ليالي ..
ولسة برضه دلوقتي بتحمي حتي كمان ولادي
حبيبتي يا مولاتي .. أدمع مع كل كلمة
حب ؟ لكل أم تذكرني بيك انت يا أمي
ايوة يا امى ..كلمة تفكرنى بفقدي حنانك . وتذكرني
بحضنك الدافى اللى ياما احتوانى
ونزع مني دمعات كانت
قاسية على نفسي ويا قلبي ؟؟
ايوه يا أمى .. بحبك
وحفضل أحبك
وأدعو ربي .. يقربنى منك
بس ربي كريم لانى دايما شايفك
بتنورى لي طريقي ويا دربي وتنزعى ببسمة شفتاكي
حزني حتى وانتى مش جنبي
بس انتى برضه فى روحي ودمي وبكل كيانى حاسك
حتى وانا بتألم ببعدك
وولادى بيسألونى عنك
وأنا مشتاق لحضنك
اللى بينسينى قسوة كل اللى حواليه
ولكني برضه حفضل على عهدك
وعلى طيبتك وحنية قلبك
برغم انى تايه وهائم من بعدك
انكسرت كثير وانجرحت كتير
عشان مكنتيش جنبي
لكن عذراُ يا أمي لانى بكيت
ولكنى لم أنسي حبك وأحتوائك ليا
اللى فى المى بيخرجنى من همى
ليسعد كيانى بأجمل ذكرياتك .
وحفضل أحبك ايوة بحبك بعنفك
وحنانك بقسوتك وطيبة قلبك ويا أحتوائك
واليوم فى عيدك لن تدمع عيونى ولا نفسي
وحأبتسم وأقولك
بحبك وحفضل أحبك ولن أنعي غيابك
لانك موجودة في كياني وجوة قلبي وحكون
مثلك لبنتي ولابني وحكون مثلك لكل انسان
بيقدم لى الحنان وزهرة حب تفكرنى بأن أمي
احسن انسان ..نعم لانك نبع الحنان
أحسنت ربايتى وجعلت مني أحسن أم أو أحسن أب
ومهما الدنيا قست عليا
فقسوتها تهون بحنانك المزروع فيا
وحضنك الدافى اللى بقيت بدية لولادي من حوالية
وأنا ببتسم مرة واتألم مرة ويهون عليا
وأنا بفتكر صبرك ويا جلدك
وانتى بتتألمي علشانا مرة ومن مرضك مائة مرة
ومع دة بتخفي دمعك ويا الامك
فكم كنتي يوماُ أمامي كالصخرة أمام كل أحزانك
وكنتي مع كل الامك لا تتناسين حبك وأهتمامك
وأحتوائك لي بنظرة تخرج مني كل مابي
لترسمين ع شفتاي بسمة أحتوائك
فسأقولها دوما أحبك نعم أحبك يا أمي
ولن أنسي حنانك
ولن أدمع يوما فأنتي معي وستكونين معي
حتي بغيابك فأنت بروحي وكياني بل بدمي
وبأفعالي التي ستكون مثل أفعالك ..؟؟
حتى نلتقي يا أمى فى الجنة
أيوة فى الجنة …..
………………
بأهداء خاص جداً لام صديق لي
فقد أمه في يوم وعيد الام أهديها لروح أمه الطاهرة.
من كتاباتي – نبيل محمد صلاح الدين ابراهيم
