بقلم : نبيل محمد صلاح الدين
هلت شهور الخير …
هلت شهور غالية علينا
هلت شهور الخير
فيها البركة مليه عنينا
والحب ويا الخير
أولها يهل شهر رجب
رأس الضلع اللي
مفرح صدورنا
بتحريم القتال
وصب الرحمة علينا
بنور وضياء من رب العباد
وفيه ليلة عظيمة وهي
رحلة الاسراء والمعراج
في السابع والعشرين منه
ويهل بعده شهر شعبان
شهر التفريق وجمع
الخير ويا الرحمه وفيه
أجمل ليلة تهل علينا
ليلة النصف من شعبان
ليلة النور اللي مالى السماء من حولينا
وبالدعاء والخير والحب اللي مالينا
نصلي للرحمن ونقرأ فيها القرآن
ونيجي لمسك الختام الشهر التاسع
شهر رمضان شهر التوهج واكتمال
النور االي بيبدء ويا رجب وف شعبان
ليكتمل النور بهلالك يا رمضان
يا مجمع قلوبنا ويا ذكر الرحمن
وبنور الايمان والحب والاحسان
ويا الالفه ولمة القلوب ونسيان الذنوب
بالرحمة والخير والايد ويا الايد
وبسمة طفل سعيد بفانوس رمضان
وانطلاق مدفع رمضان واجتماعنا
على كلمة الله أكبر لتبتل العروق
بعد ظمأها وتضئ الوجوه بعد تعبها
بلقمة وميه وحب ويا حنية مفيش
وقتها دة فقير ولا دة غني لان في
بس رضي وصفاء للقلوب اللى
بعد عنها كل الشياطين بأمر من
الرحمن وبصلاة القيام وتلاوة القرآن
تهدي النفوس وتنور بنور الواحد
القهار ..رب العباد
اللي يقول للشئ كن فيكون
فسبحانك يا رحمن وأهلا بيك
يا رمضان بتبكينا وتفرحنا وبالخير
تجمع كل قلوبنا وتمحي عنا الغمة
يا شهر الخير ويا الايمان ويا مجمع
قلوبنا على طاعة وذكر الرحمن
هلت لياليك اللي بتغسل قلوبنا
وبتنقي كل جوارحنا وبتمحي وياها
كل ذنوبنا ونستني فيك أجمل ليلة
ليلة القدر اللي خير من الف شهر
رحماك يا رحمن يا كريم يا عظيم
يا الله يا مالك الملك يا ذو الجلال والاكرام
نستغفرك ونتوب اليك وندعوك ونرجوك
ان تكون شهورنا كلها كرمضان ..فأهلا يا
رمضان يا شهر الخير ويا الايمان..
كلمات العبد الفقير .. نبيل محمد صلاح الدين ابراهيم
