بقلم /سلامه رفاعي هلال
من إمتي بقولك يا بابا
أصلي معاك فالقدس الشريف
وادعي ربك يفك كربك
و يفك كرب المؤمنين
قوم يا بابا قول يا باسط
لينا رب اسمه الكريم
هم الأب مع إبنه ومسكه فإديه
علشان خايف عليه
من رصاصة غادرة
تطفي نور عنيه
وإبنه ماشي بيضحكله
فرحان بصلاته و بشكره
و فلحظة كرب إبتدي الضرب
صرخ الولد و بكي خايف ليبعدوه
عن أمه وعن أبوه
و فجأه إنقطع الصريخ
وقف القلب وصار جريح
الأب سالت دمعته علي خده
و مقدرش يمسحها بإيديه
وهو شايف دم إبنه
بيجري بحر أدام عينيه
وساعتها حلف بدينه و بدين المؤمنين
ما هيتنصب صوان ولا يتقري القرآن
إلا بعد التار
و الأم لبست اسود فليلة العيد
وبدال ما تعم الدار الفرحة
أهي دخلت عتمة من الشبابيك
لكن اللي مصبر قلبها
إن ابنها مات شهيد
و لو إتقتل محمد …. فبيتولد جديد
