بقلم الشاعرة / نور الهدى على
متابعة المستشار الإعلامى والثقافى / سامح الخطيب
تقصد ايه
لماجتلى وقلت حبك
كان إشارة لنبض قلبي
قلت خايف م الليالى
خبى ضعفى ف حضن قلبك
كل ماضى كانلى دونك
عمر موصوم بالفشل
.قلبي حن ومال إليك
وألتقتنى ف لحظه حاضنه
كل حاجه حلوه ليك
فكرى مد بصره شافك
حد بيشع الحنان
فكر القلب اللى حبك
أن نبضك له أمان
تقصد ايه
دلوقتي قولى
سايب الاحزان تاكلنى
ودمع عينى بحور عشانك
ألتقيت جرحى ف حنانك
لما فكرت أنى أقرب
………….. . ………
متشوقه روحى
لهمسك الدافى
وكلمه حلوة تبل ريق
عشق وداب مستنى بس تحس بيه
اقولك ايه
وبعد ما قلبي اعترفلك
بالهوى
بكل قسوة توبخه
ليه النصيب قاتل كده
ولا حس يوم
انى مجرد طفلة محتاجه الحنان
ملعونه قصه عشتها
وصدقتها
وأمنت أنك منها صورة كوبى
سامحنى نظرى خانى فيك
ونمت ليلى مصدقه
انك حياة
وأن انت م الاحزان نجاة
وأنا اللى كنت بخاف عليك
نظرة حنينى لحضن عينك تجرحك
أنا كنت لما بلمحك
برقص من الفرحه سلو
كلمة سلام كنت احس بطعمها أجمل من حتة جاتوه»!
يااااااااااااه ع الحياه
إلى تعشم فالقلوب
وأما ندوب
ترزعنا فى حضن الحقيقه تخضنا
وأنا مؤمنه انك مش آخر الحياة
وأنى هنسي وهمى بيك
وأمحيك كمان م الذاكره
بحبة بخور جوه جوف المبخره
