كتب/محمد يحيى الدمرداش
من الأشياء التي يجب أن نضعها في الحسبان الأطفال المشردين نتيجة لا ذنب لهم فيها ولذلك لابد أن لا نتركهم دون عناية خاصة وهم لا حول لهم ولا قوة بدلا من ان يتحولوا الي بلطجية في المستقبل
نداء للسيدة الفاضلة وزيرة التضامن الاجتماعى ،نداء للسيد الفاضل محافظ الاسكندرية انقذوا الطفولة والبراءة من الضياع مش حقول عليهم اطفال شوارع لانهم مجرد حالات اجتماعية ممكن نلحقها يعنى مسافة صغيرة لا تتعدى ثلاث محطات ترام بمشيها من الكورنيش من محمد نجيب عند بنك ابو ظبي لحد سان ستيفانو الاقى اربع اطفال على طول المسافة وكلهم لا يتعدوا العشر سنوات معادا واحد اكبر حوالى 14سنة واحد منهم دا كان عند بنك ابو ظبي اهله توفوا وصاحب البيت طرده فمكنش قدامه غير انه ينام على سور البحر الولد متربي ومحترم جدا مش وش بهدله والتانى كل ذنبه اتولد فى اسرة فقيره والاب هرب وسابهم والام مقدرتش على المصاريف فخرجتهم يشتغلوا والولد فضل فى الشارع والتالت الاكبر شوية عاوز يشتغل بس معهوش ورق ومحدش بيرضى يشغله وقال(والنبي يا ابله لو تعرفى بيعمله فين عاوز اشتغل) والرابع قاعد عند ستارباكس فى سان ستيفانو دا غلب الدنيا تكلمه ميرضاش يرد بس يبصلك كانه بيقول منكم لله على رميتى فى الشارع كدة ارجوكم تتحركوا نزلوا حملات تشوف الاطفال دى ودوهم دار رعاية ابسط حقوقهم يكون لهم ورق يكون معترف بيهم كبني ادمين لهم حق الحياه كلنا حنتحاسب من اول اللى شافهم وعدى عادى لحد المسؤول اللى متحركش ارجوكم تنقذوهم قبل ما يضيعوا ويتحولوا لبلطجية. أرجو ان الحملات اللى تنزل يكون الصبح بدرى او بليل متاخر عشان يقدروا يلاقوهم.
ارجو من كل اللى يقرأ البوست لو يعرف يوصل للمسؤولين او يشير البوست ما يتاخرش.
