ألا رغيف الغلابه ياريس
بقلم / محمد محفوظ الخولي
متابعه / حمدون سيد حمدون
راحت الصدمه وجاءت الفكره رغيف العيش الدوله بتدعمه ب 60 ويباع ب خمس قروش طب عشان نحل الرغيف الحر ممتاز واكبر من بتاع الأفران البلدى وبخمسين قرش وصاحب الفرن بيكسب وعيشته مرتاحه يبقى العيب مش فى السعر العيب فى طريقة الدعم أزاى رغيف لقمه واحده بيتكلف 65 قرش مع أن أفضل منه بخمسين زائد المكسب يبقى فيه حاجه غلط تانى حاجه مين بياخد الرغيف بشلن آل عندهم بطاقة تموين طب مين عنده بطاقة تموين آل دخله متوسط ومعدوم طب ما تمشوا بما يرضى الله وقللوا الفاقد من طريقة الدعم وسيبوا الغلابه تاكل طب هتوفروا اد ايه لو شيلتم الدعم وزاد الرغيف 8مليار طب ما إحنا عندنا حاجات كتير مهدره ممكن نوفر منها المبلغ ده زى الضريبه على الملاهى لو زادت واحد فى الميه هتوفر الكلام ده والناس الغلابه تشعر أن الدوله معاهم زى ما هما محبين جدا وأكثر وطنيه من الميارديرات آل مش حاسين بجد.
الجدير بالزكر أن رغيف الغلابه تم تخفيض وزنه مرتين من قبل حتى وصل الي 90 جرام …. ألا رغيف الغلابه ياريس ( حكومه مدبولى حكومه جبايه ) .
