قالت الفنانة شيرين عن تفاعل الجمهور مع أخبار انفصالها عن زوجها حسام حبيب، وكذلك ظهورها حليقة الرأس في حفلها الأخير، قائلة: “أنا بتكلم مع الناس بلغتى فى الغناء وأنا عمري ما شفت واحدة بتطلق والناس بتباركلها كده كأنى راجعة من الحجاز”.
وأوضحت شرين، خلال مداخلة هاتفية مع الإعلامى عمرو أديب في برنامج الحكاية: “أنا كده وهفضل كده وهفضل قوية، أنا مش بتظاهر بالقوة الموضوع عدى خلاص انتهى خلاص وأكتر حاجة مقويانى إنى بعترف إن لسه أهوه في حاجة.. أنا قولت من الأول العلاقة دى لا تصلح لازم يكون في شوية عقل، صعب إن واحدة تتجوز لتالت مرة ويكون الفرق بينها وبين جوزها سنة ولازم يكون في فرق على الأقل 5 أو 6 سنين حسام راجل وسيد الرجالة كمان.. الحتة الناقصة كانت في عقلنا”.
وأكملت، “كان لازم يكون في فرق بينى وبينه علشان يبقى في شوية عقل علشان كده بنتى لما جت تلوم عليا في يوم من الأيام قولتلها حبيبتى أنا بتربى معاكم وحسام بيتربى معانا والدنيا تستاهل نجرب ونحاول والأمومة دى حاجة كبيرة ومش هسيب لعيالى فلوس هسيبلهم حب”
