قال اللاعب محمود كهربا، باكيا، قائلا: «بقالي أسبوع أو عشر أيام مش بعرف أنام، وكمية حب الجمهور من النادي الأهلي ليا كبير ومش عارف أعبر لهم ازاى، بس لو أطول أبوس رأس كل أهلاوي هعمل كدا”.
وأضاف كهربا، خلال حواره ببرنامج “كلام الناس” المذاع عبر فضائية “إم بي سي مصر”: “أنا معملتلهمش حاجة فى النادي وملعبتش كتير، ولكن الموضوع دا غصب عني وكنت عايز أظهر لهم نفسي”.
وفي سياق أخر، وجه اللاعب محمود عبد المنعم كهربا، رسالة لبيتسو موسيماني، المدير الفني لفريق الكرة الاول بالنادي الأهلي مع اقترابه من الرحيل عن القلعة الحمراء في صفقة على سبيل الإعارة لصفوف هاتاي سبور التركي.
وتابع: “رسالتي لموسيماني أقول له ربنا يوفقك الفترة القادمة ويكرمك طبعًا، وأقول له كل جمهور الأهلي بيحبك جدًا، وكل الناس بتحبك، لو موسيماني فاز ببطولة أفريقيا السنة دي هيبقى أعظم من جوزيه”.
وأشار:” إن شاء الله ربنا يوفقك الفترة المقبلة وتاخدوا كأس العالم للأندية، وتكمل زي ما انت كده وربنا يوفقه”.
