حلم بحب ودعوة قلب..

بقلم : نبيل محمد صلاح

حلم بحب ودعوة قلب..

مصر… مصر

مصر يا أعظم

وأطهر أرض

ياللي جنودك

حامية العرض

كتير حاولوا يغزوك

لكنك محفوظة من الرحمن

ومن جنودك ولادنا الهمام

كتير فيك بنفرح وبنحزن

لكن اليوم فرحتنا كانت أكبر

لانها فرحة كبيرة في أيام حزينة

فيارب تكون فرحتنا دايمه

لان كل منا

 مشتاق ليها

فرحه بكورة جمعتنا

وأمل غاب كتير

عن عيونا

فرحه غابت من التسعينات

وأهي جاية وبتتحقق

بعد ما كانت حلم

مالى قلوبنا ..مبروك

يا مصر . والف مبروك

وربنا يكتر من افراحنا

ويبعد عنا كل اعدائنا

وكمان أحزانا

حلم كاس العالم أهو

بقي حقيقة ويارب

ييجي اليوم

ويبقي بين ايادينا

شكرا يا رب

وشكرا للفرحه وشكرا

محمد صلاح قاهر الكونغو

اثلجت قلوبنا ومليت

بالفرحة عيونا

وعبرت بينا

من أحزانا

لقمة أفراحنا

دعوة بقولها لكل شاب

مصري اختار القدوة

وابعد اليأس عن قلبك

لانك لو نجحت حينجح

وراك مائة وأربعة مليون

أيوة مائة وأربعة مليون

حيشاوروا عليك

وحيقولوا دة ابننا وابن

كل مصري واوعي

من الحزن يدمر عقلك

لان عقلك لو صار وياه

قلبك حتعمل المستحيل

وحيكون مفيش ابدا

مستحيل لأننا ولاد

الفراعين اللي عمرهم ما

عرفوا أي مستحيل

مبروك يا مصر واللهم

كتر من أفراحنا

وأبعد عنا كل أحزانا ..اللهم أميين .. كلمات : نبيل محمد صلاح الدين