الفنان ” محمد أشرف ” يُصرح بحبه الشديد ل النجم ” تامر حسنى ” .. رفيق رحلتي في الشباب وأتمنى يجمعني بيه شغل
كتبت : روان أشرف
محمد أشرف حربي ، خريج كلية أداب جامعة الإسكندرية ، وحاصل علي ملف نقابة المهن التمثيلية ،٢٨ سنة ، أعزب .
من هو الداعم الأكبر ل ” محمد أشرف “؟
الداعم ليا هي أمي وبعد عناء أني أقنعها ب أني موهوب أصلا ًوباقي العيلة محدش كان مهتم ب ده .
هل كان حلمك التمثيل منذُ الصغر ام شئ أخر؟
بسعي في المجال من ٢٠١٥ وشاركت في أعمال كتير مكنش ليا نصيب في الظهور فيها بشكل كبير زي السهام المارقة ودفعة القاهرة ، وأول عمل ظهرت فيه بشكل كويس كان مسلسل ونسني عام ٢٠٢٠ .
عندما تنشهر وتنمو أعمالك، ماذا تريد أن تكون حينها ؟
بتمنا من ربنا لما أوصل للمكانة اللي نفسي فيها أقدر أطبق الحاجات اللي بفكر فيها بشكل كويس يعني أنا كمان بكتب ف يمسهل .
من هو الممثل المفضل لديك ؟ ولماذا ؟
الممثل المفضل ليا هما كتير جداً وكل زمان وليه تأثيره .. أيام الأبيض والأسود كان “إسماعيل ياسين ” كنت مُتيم جداً بقصة نجاحه وصعوده اللي تكاد تكون شبيهة بيا قبل ما أعرف أني عايز أكون ممثل ، الجيل الأخر هوالفنان الكبير “عادل إمام ” وده طبعاً مفيش اختلاف عليه ومن أمنياتي أشتغل معاه ، إما عن الممثلين الشباب ف هو مطرب وممثل الفنان “تامر حسني ” ده رفيق رحلتي في الشباب وأتمنى يجمعني بيه شغل .
ما أكثر الأعمال المفضلة اليك في أعمالك الفنية ؟
أكتر الأعمال اللي بحبها في شغلي كان مسلسل حلوة الدنيا سكر أسمتعت بيه جداً وأنا بشتغل فيه وكنت مبسوط بيه جداً ، وكمان شخصية ف مسلسل المماليك كمان محصلش نصيب أني أكمل تصوير بس الدور كان ليه أبعاد كتير وكنت مبسوط أني عملته حتي لو بشكل قصير بس كان ليه شكل مختلف تماماً عن الدور اللي قبله .
هل يوجد خطة فنية لظهورك الفترة المقبلة علي الشاشة التلفيزيونية ؟
صورت في مسلسل بيتعرض دلوقتي أسمه وسط البلد ١٩٠ حلقة في دور دكتور في المستشفى ، وكمان طالع في مسلسل في بيتنا روبورت حاجة بسيطة استاذ “أحمد جمال “اللي رشحني قابلت “عمرو وهبة ” هناك كنت بتكلم معاه قالي أن هو اللي مرشحني هو والاستاذ ” هشام جمال ” ف طلب مني أني اعمل نفس شخصية مسعد بتاعة حلوة الدنيا سكر ، واشتغلت في مسلسل ملف سري بطولة الفنان ” هاني سلامة ” ، واشتغلت مع الفنانة ” نيلي كريم ” في مسلسل فاتن أمل حربي .
ماذا تفعل عندما لا تقوم بالتمثيل ؟
لما مش بشتغل بحس إن روحي مسحوبة وفي الفترة اللي أحنا فيها دي لازم سعي ليل نهار وغربة يومياً لحد ما يجي شغل يرجع الطاقة تاني معندناش بديل وأكتر زمايلي كدة ، التمثيل طريقه أشبه بالحرب الشرسة لا ليها قواعد ولا قوانين مفيش طريق ثابت للسعي أو الوصول ربنا دايماً بيقف وبيسدد الخطايا ، بالإضافة كمان للمجالات اللي شغال فيها جنب التمثيل الفترة دي بشكل متقطع ” فويس أوفر ” .
ما هو العرض الذي كنت تتمني أن تفعله ؟
العرض اللي نفسي اعمله أنا بميل دايماً بصفة عامة للحاجات الرعب عندنا في مصر وفي الوطن العربي بشكل أكبر بنفتقد جداً موضوع الأعمال اللي فيها رعب بشكل كبير .
ما أخر شئ تفعله قبل أن يتم رفع الستارة وتخرج علي خشبة المسرح ؟
طبيعي جداً بيبقا فيه رهبة لبعض اللحظات سواء في فتح الستارة علي المسرح أو قبل الكاميرا ما بتدور لحظات مش أكتر بس مع أكشن الموضوع بينتهي تماماً كأن مفيش حاجة بقرأ قراءن قبلها وبسأل الله الثبات وبتمنا أن أنا أي حاجة عملتها متتكررش تاني حتي لو كانت صغيرة وبسيطة لأن في مرحلتنا دي مينفعش أساساً نبقا صغيرين في نظر الصناع أو أقل قيمة في نظر النجوم الواقفين قدامنا تماماً علشان نثبت نفسنا قدامهم عندنا جدارة أننا نبقا في الصفوف دي في يوم من الأيام وقبل ما اطلع المسرح بتقمص الشخصية اللي هطلع أعملها .
