وينك يامه
بقلم الشاعرة التونسية /ناجية الغرى
متابعة المستشار الإعلامى / سامح الخطيب
وينك يامه
وين الدلال و اللمه
وين عطر سخابك
هات نشمه
أحيت طال غيابك
زادت علي الغمه
يا والده جاوبيني
لفراق بكى عيني
و لا نجيك ؟!
لا تضمني
لا نورك
يضويني
ها الدنيا صبحت
ظلمه
صبحت ظلام
و عتمه
و القلب ما ينساك
و باقي ينادي أمه
كنديرله
كيفاش تبرى جروحه
و منهو يداوي روحه
يا والده مسموحه
لا عتاب لاني نشكي
ولاني نخاصم ربي
القلب فاض معبي
فاض الحديث
يا يامه
قداش باش نخبي
وشكون باش يفهني
وشكون يدللني
يا غيبتك
يا فقدتي لهيبتك
لطلتك
لبسمتك
للود المتخبي في
خبنتك
الشوق يامه
ذبحني
وينك …يامه
بقلمي – ناجيةالغري( اليمامة المتمردة )
