انا النوبى المصرى (العمق نيوز)الشاعرة سوسن النجار
انا النوبى المصرى
تعظيم سلام وتحية
لمصر امى الغالية
من اسمر كحيل العين
إلى بلد الرافدين
هاوصف بلادى
من فؤادي
جمالها منظر
وترابها مرمر
بسالتها قوه
شوارعها ورده
هواها زهره
والنيل تاريخك يا مصر
يشهد لك العالم بالنصر
يا ام العلم والنسر
انا ابنك وشبهك ولوني اسمر
يا مصر يا للى هواكي عنبر
اللى بناكي يا مصر
كان فى الأصل حقانى
لا عمره كان سلفي
ولا جده كان اخواني
ولا عمره كان شهواني
انا النوبى المصرى
دمي خفيف ولونى اسمر من بلدى
جدع وابن اصوال ومتربي
اخاف على عرضى ووطنى
صاين شرفى وعزه بلدى
صاين حقوق الناس من اصلي
احميكي يا مصر بدمي وعارف واجبي
ولا اعرف الكذاب ولا اعرف اليبرالي
ولا حتى العلماني
انا النوبى المصرى
الكل يضرب لنا تعظيم سلام وتحية
ويشهد التاريخ بالمجد والحرية
وطوب الأرض يفتخر بيه
انا مصرى من بلد السلام والإنسانية
واولادى من بعدى يسيروه على نهجي
والكل يفتخر بيه على العظمة والتضحية
انا المصرى من بلد العزة القوية
انا النوبى المصرى
بقلمي / الشاعرة
سوسن النجار
