الف ما شاء الله
عليكى والف ماشاء الله
سمى وصلى ويحرسك الله
وتعيشى ليه أن شاء الله
زينة المواليد اى والله
وميلادك اليوم مشا الله
ولا فيش فى جمالك والله
سمى وصلى عليكى اى و الله
هل هلالك مرحبتين
ست الحسن ونور العين
دوق الهون دوق الهون
واحنا نجيب يلا البنبونى
ذى البدر بين قمرين
يافرحت قلبى ياضي العين
والكل يقول إن شاء الله
بتزقزقى ليه يا نونا
الفاين مبروك عليكي يانونا
يوم ميلادك احلا ايامنا
جانا النور وهل لبيتنا
تحلا وتحلى دنيتنا
وشك حلوعليه وعيونك سود
والتفاح مالى الخدود
بدر منور مالى الوجود
يبعد عنك كل حسود
والكل يقول ان شاء الله
امانه حافظى على نفسك
يا ست البنات
صونى روحك بالبركات
حافظى وصلى على الصلوات
حافظى وصونى كل العبادات
واسمعى كلام ماما وبابا لأجل
ما تدخلى الجنة
يفرح قلبى بيكى والكل يهنى
ويقول إن شاء الله
بقلمي / الشاعرة
سوسن النجار
