الله يخليك اوعاك تمشي
بقلم الشاعرة / عبير عبدالسلام ( شاعرة الريف )
متابعة المستشار الإعلامي / سامح الخطيب
الله يخليك اوعاك تمشي
علشان أنا بيك عايشة حياتي
لو سيبتني لحظة هموت فعلا
ولا هقدر اكمل أوقاتي
أنا بيك مسنودة ومرتاحة
ومعاك بتزول كل آهاتي
أنا حاسة ان أنت الروح ليا
وف حضنك بتلم شتاتي
أنا ماتصورش الدنيا تكون
غير بيك ومعاك حاسة بذاتي
أنت طلعتلي في ميعاد مظبوط
وشغلت البال أيوه ليلاتي
ولا كنت أصدق يوم إني
راح اقضي معاك كل ساعاتي
فرحانة معاك زي الطفلة
وبراءة الدنيا ف لمحاتي
وعشان كل دا قررت تكون
بطل الأغنية ف كتاباتي
بقلمى _ عبير عبدالسلام ( شاعرة الريف)
