احمد مصطفي فتحى ابوسعيفه من، ذوى الاعاقه

ذكر  احمد مصطفي فتحى ابوسعيفه من، ذوى الاعاقه لجريدة العمق نيوز وقال انا بصراحه كنت فاكر ان عشان من ذوى الاعاقه ان خلاص حياتي انتهت وانى خلاص كنت بقول انى عايش فى حكم الاموات لدرجة انى ساعات كنت يتضيق لدرجة كان بيجى علي وقت بقول ليه ربنابيعمل فيا كده والكلام ده مع ان اهلي كانو بيعملو المستحيل عشان يشيلو الفكرة دى من دماغي ومكانوش بيقصرو معايا في حاجه نهائي وكانو دايما معايا وفى ضهري

وكانو يقولو لى انت تقدر وانت زيك زى السليم بل وتقدر تعمل اللي السليم ميقدرش يعمله وان الاعاقه اللى انت زعلان عشانها ومفكر انهاستكون سببا فى انك عايش مثلك مثل الاموات دى هتكون سبب في حاجات حلوة ليك فى الدنيا والاخره كنت بقول لنفسي هى ايه الحاجات الحلوه فى دى واحدمعاق واعاقه شديدة جداكمان، فكنت باخد كلامهم ده مجرد كلام جبر خاطر لي وتسليتى يعنى لحد ما كبرت وفهمت، معنى، كلامهم

وإن فعلاً هما صح وكانت نظرتهم صح فلو كنت سليم مكنتش حققت ولو ربع ما، انا فيه الان بفضل الله اولا وما كنت مفكرها سبب القضاء على حياتي

فاأنا دلوقتي زى زى السليم الحمدلله اتعلمت زيهم والحمد لله كنت متفوق اى نعم مدخلتش كليه لكن الحمدلله وحفظت القرآن الكريم كاملاً وبفضل الله ثم الاعاقه بقي لى ختمة قران كل اسبوع وفتحت مشروعي الخاص سوبر ماركت كده على قدى منه اشغل نفسي ومنه برضو يكون مصدر دخل لى

الشاهد من كلامي انه مهما كانت ظروفك وحالتك متستسلمش لليأس والاحباط ضع لنفسك هدف وتأكد ان الله سيوفقك بدام، ان، لا تريد الاما يرضى الله