يهون الجرح
بقلم شاعرة الريف / عبير عبدالسلام
متابعة المستشار الإعلامي والثقافي / سامح الخطيب
يهون الجرح من غيرك
لكـن منـك بــيوجعني
ومش كل الحاجات تُغفر
ولآااا كـل الوجع يعني
ومش ذنبي إني حبيتك
وهبتك روحي مع قلبي
وكان رد الجميل منك
بتمن البخس بـتبيعني
تعالى حاسبني ف الاول
ما دام البعــد هايطوّل
حرام تحكملي بالإعدام
بدون ماتجيني تسمعني
وتبقى القاضي والجلاد
ويبقى ما بيننا ألف بلاد
ياظالم عمري م هسامحك
مادام قلبك ما هيساعني
ولو تركع قصادي يومين
وتبكى بالدموع م العين
أنا أقسمت مش هرحم
ولآااا ندمــك يرجعني
عبير عبد السلام“شاعرة الريف”
