قول يا قلم
بقلم الشاعرة / صباح غيث
” شاعرة الريف”
متابعة المستشار الثافي والإعلامي / سامح الخطيب
بين الضلوع صرختي محبوسة
قول يا قلم ماتخفش وأنا المسئول
وعلي رصيف الحياة خطوتي متكتفة
حتي دمعي بالأمر ممنوع من النزول
وفي عيون الناس بشوف حيرة و
سنين أوجاعها اتخطت حدود المعقول
قول يا قلم واشرح معني الألم
في زمن محكوم علي أفراحه بالموت
ولوحبرك خلص بدمي ودمعي
كمل الحكاية قبل العمر ما يفوت
وزين الصفحة بجدايل من المحن
لكن علمها الأول الجبن والسكوت
ماتكتب يا قلم ساكت ليه ؟ رميت
الورق ودخلت الجحر أنت كمان!!
مين علمك يا جماد تخاف ؟
. طب أعمل إيه أنا ؟!! وأنا إنسان
يا سكة العتمة انتهي بقا
خلي نور الأمل يملي القلوب أمان
يا بكره نفسي أجيلك أحلم معاك
لكن ……… غصب عني جناحي مكسور
احجز لي مكان بين دقاتك و
سجل اسمي في دفتر الحضور
يمكن بعد طول إنتظار يقول
القدر كلمته ويشوف حلمي النور
مازال وسيظل إن شاء الله
أملي بالله موصول فهو حسبي
وهو نعم المولي ونعم النصير
بقلمي _ صباح غيث
” شاعرة الريف
