أقوي نوع في الأحضان
كتبت شيرين كمال
الاحضان انواع كتير واقوى نوع من الاحضان هو
حضن “أنا بحبك”
من مين؟ وليه ده الأقوى؟ ولحد أمتى؟
هقولك ..حضن أنا بحبك الأقوى
لأنه بيصلح ويشفي ويقوي ويفهم ويطبطب ويطمن ويسند
نفسياً وجسدياً وطاقياً
بس في ملحوظة مهمة جداً جداً
حضن أنا بحبك أهميته الكبرى ومفعوله الأكبر والأهم
بيجي من الأهل
يعني من واحنا صغيرين أو وأولادك صغيرين
محدش بيحس الحب في حضن زوج أو زوجة
أو أي حضن تاني من أي حد تاني مهما كان
إلا لما يحسه من أهله الأول
احضنوا ولادكم أرجوكم
مهما كان سنهم
تاني مهما كان سنهم
تالت ومليون مهما كان سنهم
لو عرف الأطباء والمشايخ والنفسيين والقساوسة
أهمية الأحضان
لكتبوها بعد كل صلاة وفي كل روشتة
دي بتجدد الروح وتطبطب على النفس وتداوي الجسد
دُمتم بصحة ووعي وسعادة
