بلادي أغلي من حياتي ..

بقلم : نبيل محمد صلاح

بلادي أغلي من حياتي ..

بلادي بلادي يا أغلي من حياتي

لك حبي وأشتياقي

يا مصر يا أم الدنيا

فيك كل شيء حاجة ثانية

وفيك سحر غريب

مخليك أجمل بلاد الدنيا

لفيت بلاد كتير وكتير

ملقتش زيك في الدفئ  ويا الحنية

بشرب من نيلك وبحمي

أرضك من عدوينك

حتي دعاة الدين

طمعوا فيك ..فطلع

عليهم ملايين بحبك وإنتمائك

وبحفظك اللي محفوظة بيه ليوم الدين

من ربك ولاحفادك …

كتير بنشقي ونتعب فيك

وبالقليل نرضي ونسعد بيك

لان ولادنا هنا عايشين

على أراضيك …

ومن خيرك حاسين حتي لو

غرف منك ملايين

وبالقليل راضيين  بحبك

وحب ربنا اللي مالي قلوبنا

وقلوب أولادنا وحتى أحفادنا

يا بلادي عيشي حرة

أبيه ورافعة رأسك

لان ولادك بيحموكي

وقبلهم برضه ربك

اللي حرسك …

بدمع وأبكي لما بفوتك

لاني مرتاح هنا على أرضك  

ولاني لما بتعب فيك بلاقي

كل الدنيا بين أيديا .. من

ناسي وأهلي ويا أصحابي

حتي اللي معرفهمش

بيكونوا برضه حواليا

في فرحي وحتي في أحزاني

بيكونوا جنبي وحواليه

كتير خانوكي وكتير

يتمنوا هدك وياحزنك

لكنك برضه صامدة

بشموخك ويا حفظك

كتير فاتوكي لما قلقوا منك

ونسوا ان ربك هو اللي حفظك

لانك أرض المحبة ويا الأديان

وأرض الخير والسلام ويا الاحلام

حاولوا يوم يقطعوا عنك نيلك

جه ربك بالطوفان غرق

جسورهم ويا سدودهم

لان ربك دة الرحمن

يقطع من حته ويوصل

في حتة بس عمره مينسي

ان ارضك ارض الأديان

وانك يا مصر رمانة الميزان

أيوة رمانة الميزان ولانك

معقودة بعقد بلاد العرب

اللي مهما جة الاعادي

عليهم ولا حتى فرحوا

بدمار أراضيهم

حييجي اليوم ويبقوا

أيد واحدة بحب ربنا

وبكتاب الله وسنة نبينا

حنسعد ونتوحد كلنا

يا بلادي أنتي روحي

ونبع حياتي لانك

مليانة ببيوت ربنا

ولان الأنبياء حبوا

أرضك عمر محيقدر

حد ابداُ يهدك ولا ييجي

يوم ويفرح حد بهدك.. لانك

محمية من ربنا …..أيوة

محمية من ربنا …..

كلمات : نبيل محمد صلاح الدين إبراهيم  الفار

اللهم أحفظ مصر والمصريين والعرب والمسلمين وأبعد عنا دعاة الدين اللهم أميين ….