وجع القلوب
مفيش طبيب يداويه
الحزن توب
والدمع نار تكويه
ياقلبي كان فرحان ومتهني
وف لحظه ضاعت فرحته بهمي
بصيت لنفسي لقتني وكأني
عصفور بلحن الحزن بيغني.
يادنيا دايره في ساقيه منكوبه
ايام علينا تلف محسوبه
والفرح راح وسط الحياه طاير
والدمعه جوه عيونا موجوده
حتي اللي ضاحك يحسدوا ضحكه
لو دخلوا قلبه هيبكوا من جرحه
والجرح باقي والعيون بدموع
والقلب بابه…… انكسر حلقه
يا اخ ليه تآسي علي اختك
ويا اخت اخوكي ف الحياه سندك
وحبيب يبيع العشره وبيرحل
وبسبب عينيكي ف الحياه بدمعك
يا اب راحل ….فارق الاحباب
والدار سكنها الحزن والاغراب
والام حيرانه ف وسط غروب
مبقتش تسمع لوم واي عتاب
يابايع العشره وملح سنين
ازاي قدرت تفرق القلبين
دي الروح بتسكن روحك الطاهره
والعين بتعشق نظرتك بحنين
آه يازمن قلاب ملوش آخر
سبت الألم والحزن م الآخر
جرح لقلب عاش حنين روحه
ساب الوجع وكأنه كان ساحر
الله اكبر ع اللي ظالم يوم
وخلي قلب يعيش يا ناس مظلوم
بكره يدوق الكاس بمر سنين
والعين هتبكي بالدموع وآنين
بقلم حنان الشامي
