السواق اقوي من السرفيس بكتبه حسن ابوخزيم

بمناسبة اعتماد تعريفة الركوب الخاصة بالجيزة وغيرها من المحافظات زي كل مرة بعد زيادة أسعار الوقود

عايز اقول لكم السادة مسؤلي الحيزة الكرام ان السائق اقوي منكم وبيعمل اللي هو عايزه وان تعريفة الركوب الفعلية علي أرض الواقع قبل زيادة أسعار الوقود الخميس هي اكبر من اللي حضرتك اعتمدتها ولغاية يوم الخميس الصبح الناس كانت بتتخاتق علي الآجرة المعتمدة من 2023ومحدش كان بيتفذها وهي تصريحات وبيان اعلامي في الهواء وحتي الحملات اللي بتتعمل للاستهلاك المحلي ومحدش بيلتزم

خلونا نواجه المشكلات بقوة تنفيذ القانون هو حضرتك متعرفش أن الشوارع بتتقطع الأجرة التجزئة وان فيه ناس بتاخد فلوس من السواقين ومبياخدوش كارته بالشارع ومحدش بيلتزم

وعايز اقول لحضرتك حضرتك هتقوم بحملات خلال الساعات القادمة وتلاقي موظفين وعربيات ماشية وراك عشان الحملات والتصوير الفوتوغرافي ياريت بلاش خد حضرتك عربية واحدة ومحدش هيعرفك واركب من قدام مكتب حضرتك بالهرم وقوله عايز انزل شركة الكهرباء ولا حسن محمد ولا العريش ولا فندق اوربا ولا نهاية العام هيقولك ياعم الحاج انا مش رايح أخري العريش وشوف السواق هياخد كلم منك

دا أجرة المنيب محافظات الصعيد قبل يوم الخميس والزيادات كانت أكبر من الموجود حاليا اللي حضرتك اعتمدتها اليوم السنة اللي فاتت في العيد وصلت 250جنيه وان كان عاجبك والمضطر يركب الصعب واتصلوا في العيد ومحدش بيرد حضرتك جرب تتصل بغرفة العمليات من خارج مكتب حضرتك بتليفون عادي لو ردت واحيانا بتصل بغرفة العمليات عشان الميه بتبقي مقطوعة احيانا فيه كسر مثلا او عطل وطبعا رئيس شركة مياه الحيزة مبيردش علي حد لانه اقوي من الناس لا واتس ولا هاتفيا لانه بيتم تعيينه من الوزارة وهو حضر كام اجتماع مع حضرتك محدش بيرد وبعت لحضرتك وحضرتك احيانا بتدي تعليمات السكرتير العموم وبرضو مابيعملوش حاجة راجع الواتس

الناس محتاجة تصريحات تلامس الواقع أفعال حقيقية مش بيانات ولا حضرتك خش علي اي فرن وشوف رغيف الخبز وزنه كلم ممكن تلاقيه 70جرام خش علي اي فرن يعجبك في المحافظة سواء البلدي أو السياحي دون تحديد مواعيد مسبقة تكون لوحدك بعيدا عن شوية الموظفين اللي كل واحد واخد عربية وطالع معاك خلي شوية البنزين احسن وافضل احنا محتاجينهم في مشاوير تستاهل

واقول كلمة حق هناك عددا من السائقين علي اعلي درجة من الاحترام والتعامل مع الركاب لأن هؤلاء متربيين في عائلات محترمة وأصحاب اصول ومنهم مؤهلات ولكن ظروف الحياة جعلتهم يقودون تلك السيارات الخاصة بهم من احل الحفاظ عليها ولذلك تحية وتقدير الي هؤلاء السائقين المحترمين أصحاب الاصول

عايز اقول لكم شوفوا تعليقات الناس علي الصفحات الخاصة بالمحافظات والتنمية المحلية بمواقع التواصل الاجتماعي هتعرفوا الحقيقة بأن الاسعار الجديدة كانت موجودة قبل كدا واعلي منها

عايز أحيل سيادة المحافظ الي صفحة المحافظة علي الفيس ويشوف الحقيقة من كلام الناس ولما بتقول لاي سواق دي تعريفة المحافظة شوف السواق يرد عليك بايه …؟

بالمناسبة حتي محافظ القاهرة لابيرد علي التليفون ولا الواتس

رغم هناك عددا من المحافظين والوزراء بيتعاطوا ويتفاعلوا علي الاقل مع الواتس ووحب عليا أن أذكر الاسماء في بوست اخر

ولما بتبعت تهنئة بيرد عليك

مسؤل علي قدر المسؤولية