مستخدمى الفيس الغلابه المضحوك عليهم:

الصحفى / مدحت مكرم

مدير عام جريدة اليوم التامن

لم اكن أتخيل ان مستخدمى الفيس بهذا القدر من السذاجة والهبل وان ينطلى عليه لعبة من العاب بعض الأشخاص الذين يستفيدون من كم الرسائل المتخلفة التى يرسلها المستخدمين بهذه السرعة بتاعت العم مارك وقفل الفيس والهرى ده وللاسف لا أفهم هل هؤلاء الأشخاص ليس لديهم ولو قدر بسيط من المخ والتفكير حتى يعرفوا ان الفيس بوك مؤسسة عالمية ومجانية وبها إعلانات ومواقع بكل دول العالم ولا يمكن إغلاقه او تهكيره لان الفيس نفسه يحارب الهكر والفيس أصبح مؤسسة استثمارية وبيزنس واللى هيجننى هل العم مارك ده فاضى اوى كده علشان يبعت للمصريين بالذات ان ينبههم من ان الفيس هيغلق بالله عليكم ده اسمه كلام ارحمونا بقى من التخلف ده والسذاجة دى والله العالم كله بيضحك علينا بسبب تلك الرسائل المتخلفة واللى عاوز افهمه ليه ابعت 20 رسالة او ملصقات او نكز علشان ابقى موجود على الفيس واللى يغيظ إللى بيبعت ال 20 رسالة مش واخد باله أنه اهو موجود على الفيس وبيبعت رسائل مش محظور ولا حاجة واللى ينقط بقى كم تلك الرسائل المتخلفة وكام واحد بيبعت وكام مليون رسالة وصلت للناس وكأن العالم كله كوم ومصر لوحدها ومستخدمى الفيس فيها كوم تانى والله ما هتقفل ولا هيتهكر ولا اى نيله وبطلوا عك وعبط وهبل بقى واتكلموا وابعتوا رسائل فى حاجة مفيدة والله امبارح كانت ليلة سوده بسبب الرسائل الغم دى بتاعت مارك وكنت خلاص انا إللى هقفل الزفت الفيس ده وعملا بمثل بيدى لا بيد عمرو
وخلاصة القول أن ما حدث بالأمس من حظر انه يحدث كل فترة لان الفيس كموقع عالمى بيحدث له تحديث وتطوير كل فترة وده بيستدعى ان يتم إيقاف الفيس وحظر المستخدمين لحين الانتهاء من خطوات التحديث والتطوير ويارب نكون فهمنا ونبطل سذاجة وعبط
عارفين ان الرسائل إللى بعتوها دى كسبت الموقع وبعض الناس كام مليار من غير ما تعرفوا وتفهموا وتشيروا وبس عمال على بطال و يارب تتهدوا وتفهموا علشان العالم يعرف انكم مثقفين وبتفهموا
ارحمونا يرحمكم الله وياريت تفكروا شوية واعقلوا كده واركزوا وبلاش تبقوا لعبة فى ايد اى حد والمصيبة أن هناك صفوة من المجتمع كانت بتبعت تلك الرسائل فواضح ان البلوى والعدوى ملهاش دعوة بالتعليم ولكن لها علاقة بالمثقفين إللى بيفهموا وبيحكموا العقل.