نزولهم مش رافهيه دا اجبار والله
وما ينفعش نقول ما عندهمش وعي ( لأ عندهم )
رزعته في البيت دي رافهيه علي فكره بس ازاي
حتي لو ده في مصلحته ومصلحة عيلته او عيلتها
لان وراهم حمل تقيل شايله لوحده علي كتافه
لوحده بمعني كلمة (لوحده )
و كمان مطلوب منه التكاليف الاحترازية لحماية نفسه والمجتمع اللي هو اصلا بيتريق عليه
وبالنسبه للحظر
الحظر اللي هو في الشوارع الرئيسيه بس علي فكره
الحواري و الشوارع الجانبيه لأ
علي فكره دا في ماتش شغال دلوقتي علي كوره شراب
نقلا عن وكالة انمبابه الاخباريه
و صدقات رمضان والاعلانات خلصت خلاص
تفتكروا الكارتونه اللي خدوها لسه موجوده واما تخلص
هتعرف منين كام اسره هتنام جعانه ؟ طيب بذمتكم هتفتكروهم زي شهر رمضان ؟
ونفسي اعرف كمان
هل مواعيد الحظر هتفرق في انتشاره ؟
طيب ما بدل ما تتريقوا علي وعي الشعب
هاتوا بديل يكون علي مقاسه
من الاخر كده
لو المواطن العادي ملوش حسبه في العلاج والكمامات
يبقي يا نعيش كلنا
يا نموت كلنا ونخلص
مهما تعملوا من تحزيرات وحظر
طول ما هو خايف يجوع
حيفضل مرزعولك في الشارع
خليك في البيت دي
مجرد شعار علي شاشات التليفزيون
انا دوري ككيان في مجتمع مدني شغالين عليه اصلا طول السنه
انت كمان ليك دور
دور علي دورك جوه مجتمعك
ما فيش حاجه اسمها وانا مالي
