بقلم الشاعرة / دعاء جمال
متابعة المستشار الإعلامى والثقافى / سامح الخطيب
كل شارع كل حارة
فيها إنتِ…
فيها ريحتِك فيها إسمي
يوم مـ كنتي
ساكنة فيَّا جوَّا قلبي
حتَّة منِّي
يوم مـ كنَّا
ننام ونصحى عـ الحكاوي
والهوى سهران يغنِّي
لمَّا فجأة بعدتي عنِّي
واللَّقَا أصبح تمنِّي
شيء غريب
حاجة فجأة
فرَّقتنا غصب عنَّي
حاجة كانت مختفية
فيها كل مرارة ليَّا
والعناد أصبح مـ بينَّا
تلّ عالي مـ القسيَّة
حلمنا كان يوم بيكبر
لَمَّا تاه من بين إيديه
والغريبة إني لسَّه
بمنِّي نفسي بالوصال
كأني لسه عايش معاكي
رغم إنه ده محال ..!
بس انا كلِّي انتماء
ومهما يغدر حد بيَّا
أو يبعني يا حبيبتي
مبدئي صدق ووفاء ..!
بقلمى / دعاء جمال
