قصيدة ( عودي )
كلمات الشاعر المصري
أحمد إبراهيم النجار
بناديكِ يعود البدر يتبسّم
على خدك
بناديكِ يعود الفجر
ويزول السواد منك
تعودي جميله فى الصورة
وأتشوّق أشوف حُسنك
ولبسّه تاني فُستانك
وأنا جنبك
وأناديكِ حبيبتي بعيش
أنا ف غربة لياليكِ
وأنا المادد حبال الشوق
وفارد إيدي لأيديكِ
وأنا السامع آهات جرحك
وأنا الباكي على دمعك
وأنا الحابي على دربك
وأنا إلغارق
بناديكِ
على موجة هياج بحرك
وأنا المسروق فى بروازك
ولا حرفي فى يوم مكتوب
مع حرفك
فى عكس طريقك العاتم
هناك فجرك
فى وسط ليلك الضايع
شروق شمسك
وامتى فى يوم
هتشرق يوم هنا شمسك
بناديكِ برغم البعد والمسافات
بناديكِ برغم الهجر والدمعات
وأنا المشتاق
رجوع بسمة خطاويكِ
ومتشوّق لرمش عيونك السارح
وأنا الهايم وعاشق نن أنا عنيكِ
بناديكِ كفايه بعاد أنا المشتاق
تعودي بوردك الطارح
ببسمة خدك الفارح
ده أنا الدايب وأنا المشتاق
بناديكِ عودي ليا
يا ضحكة حياه صعبه
أنا بدونك
بعيش غريه على غربه
وبشتقلك يا مكتوبه
على قلبي
وأنا المكتوب على قلبك
بناديكِ وبشتقلك
وأنا الدايب انا بحُبك
بناديكِ بكل ما فيا من إحساس
بناديكِ بحببببببببببببببببببك
يا حياة الروح ده أنا المجروح
فى يوم بُعدك
كلمات الشاعر المصري
أحمد إبراهيم النجار
